Rætturin vildi ikki varðhaldsfongsla mann - er nú farin av landinum

Maðurin, sum var farin av landinum, tá hann skuldi handtakast, er tann sami, sum Føroya rættur ikki vildi varðhaldsfongsla í grundlógaravhoyring tann 6. august.

Eystari landsrættur staðfesti tann úrskurðin.

Niðurstøðan hjá dómsvaldinum er, at treytirnar fyri varðhaldsfongsling ikki vóru loknar.

Maðurin, sum er úr Eysturevropa, var tikin 5. august.

Maðurin, sum er miðskeiðis í tríatiárunum, var skuldsettur fyri nøkur lógarbrot í eina tíð, so sum harðskap og stuldur í seks-sjey førum.

Maðurin var í Føroyum í hálvt ár. Hann hevði, tá hann var tikin, einki arbeiði.

Politiið leitar

14. august segði politiið seg so leita eftir einum manni, sum skuldi hava framt grovan harðskap.

Fráboðanin um hann kom tann 13. august.

Harðskapurin skal vera framdur móti einum føroyingi nakrar dagar fyri tann 13. august. Tað skal vera hent í einum bústaði í Havn. 

Men trupulleikin hjá politinum var, at maðurin, sum tað vildi hava hendur á, var farin av landinum.

Talan er um frælsistøku umframt grova harðskapin, sigur politiið.

Maðurin er ikki tikin.