Spara 78 prosent av oljunýtsluni

Landssjúkrahúsið skal hava fjarhita.

Fjarhitin skal hita 25 bygningar hjá Landssjúkrahúsinum.

Gólvvíddin er 50.000 fermetrar. 

Landssjúkrahúsið væntar at spara 78 prosent av oljuni og minka útlátið gott og væl 2.300 tons um árið.

Leiðingin verður 600 metrar

Fjarhitaleiðingin verður løgd frá Fróðskaparsetrinum á Frælsinum oman til Landssjúkrahúsið, 600 metrar.

Onnur har á leiðini kunnu knýta í høvuðsleiðingina millum Fróðskaparsetrið og Landssjúkrahúsið.

Landssjúkrahúsið verður størsti brúkari hjá Fjarhitafelagnum.

Tað brúkar hita sum 350 sethús.