Ostankino í Føroyum

Ostankino, annar trolarin, sum landsstýrið vil hava úr føroyskum sjógvi, liggur í løtuni í Ánunum í Klaksvík.

Hagar kom trolarin í gjárkvøldið.

Landsstýrið hevur lógaruppskot í løgtinginum um at seta russisk reiðarí og skip á svartalista í Føroyum eins og tey eru í ES og Noregi.

Fyrsta viðgerð verður hósdagin.

Hetta eru reiðarí og skip, sum er undir illgruna fyri at vera við í njósnaravirksemi.

Talan er um Murman Seafood, sum eigur trolararnar Ostankino og Melkart 2.

Melkart 2 var í Føroyum í juli og fiskaði her í fýra dagar.