Óli hjálpti GOG til heimasigur

Óli Mittún spældi ein góðan dyst, tá GOG vann 36-32 á TTH Holstebro í bestu donsku hondbóltsdeildini í gjár.

Føroyski bakspælarin skeyt seks mál og átti næstseinastu hond á fimm í fyrsta heimadystinum hjá fjónliðnum hetta kappingarárið.

Dysturin var javnur í fyrra hálvleiki, sum endaði 17-17, men eftir steðgin var GOG omaná. Óli Mittún var í miðdeplinum í álopsspælinum hjá heimaliðnum saman við Frederik Bjerre, sum skeyt sjey mál.

Næsti dysturin hjá GOG er í Champions League ímóti Barcelona næsta hósdag.