Kendur Trump-stuðul skotin í USA

Tað var í sambandi við eitt politiskt tiltak á lærda háskúlanum í Utah Vally, at Charlie Kirk, ið er ávirkari á høgravonginum í USA, bleiv raktur av skotum. 

Tað upplýsa altjóða miðlar. 

Lærdi háskúlin boðar eisini frá, at ein persónur er handtikin. 

Støðan hjá Charlie Kirk er óviss, men á sosialum miðlum síggjast upptøkur av tilburðinum, ið eru sera ógvusligur. 

Eygavitni, ið hava tosa við amerikanskar miðlar, vátta eisini tað, ið upptøkurnar vísa. 

Biðið fyri Kirk

Bæði amerikanski forsetin, Donald Trump, og varaforsetin, J.D. Vance, heita á fólk um at biðja fyri Charlie Kirk, sum var við á túrinum hjá Donald Trump Jr. til Grønlands fyrr í ár. 

Charlie Kirk er ein amerikanskur, konservativur aktivistur og stovnari av felagsskapinum "Turning Point USA", sum fyrst og fremst vendir sær til ung á høgravonginum. 

Hann er ein kendur Trump-stuðul, sum ofta verjir Donald Trump alment, kunnar um hansara politikki, og hevur havt ein miðsavnandi leiklut í at fáa ungar veljar at stuðla MAGA-røsluni hjá Trump. 

Donald Trump, Charlie Kirk

Charlie Kirk, sum í kvøld var skotin, er ein íðin Trump-stuðul og hevur havt ein miðsavnandi leiklut í at fáa ungar veljar at stuðla MAGA-røsluni hjá Trump (Mynd: Ritzau/Scanpix)