Fýra lond aftrat viðurkenna Palestina sum sjálvstøðugt ríki

Bretland, Kanada, Portugal og Avstralia viðurkenna Palestina sum sjálvstøðugt ríki.

Tað kunngjørdu londini í gjár. 

Fyrsta landið at boða frá viðurkenningina var Kanada, lítla løtu seinni Avstralia, og síðani kom fráboðanin frá bretska forsætisráðharranum, Keir Starmer:

Orsøkin til, at Bretland viðurkennir Palestina nú, er at Bretland kann ikki góðtaka humaniteru støðuna í Gasa, sigur Keir Starmer, forsætisráðharri.

Í gjárkvøldið boðaði Portugal eisini frá, at tey viðurkenna Palestina sum sjálvstøðugt ríki.

Benjamin Netanyahu

Benjamin Netanyahu. (Mynd: AFP/Ritzau Scanpix)

Ísraelski forsætisráðharrin, Benjamin Netanyahu, sigur, at Bretland stuðlar og lønar yvirgangi við hesum.

Hann staðfesti eisini, at Palestina verður ikki eitt sjálvstøðugt ríki, og at útlitini fyri friði batna ikki, um fleiri lond viðurkenna Palestina. Tvørturímóti ger tað støðuna í Miðeystri óstøðugari, sigur Netanyahu.