Mentanargrunnurin skal umsita pengar til yrkisleiklist

Mentanargrunnurin skal nú avgera, hvør fær pengar til yrkisleiklist.

Uppskot um lógarbroyting er gjørt um tað.

Hetta er fyri at tryggja armslongdina, sigur Mentamálaráðið.

Tað skulu ikki vera politikarar, sum avgera, hvør fær stuðul.

Palllistaráðið

Tað verður Mentanargrunnur landsins, sum eftir tilmæli frá sakkønum ráðgevum fer at taka avgerðirnar um stuðul til yrkisleiklist.

Og Leiklistaráðið skal eita Palllistaráðið í framtíðini. 

Ráðið fær betri umstøður at hugsavna seg um virksemið á Tjóðpallinum, nú tað ikki longur skal viðgera umsóknir um stuðul, sigur Mentamálaráðið.

Lógarbroytingin fer at kosta landskassanum 300.000 kr., ikki til leiklist, men til umsiting hjá Mentanargrunninum.