Óneyðugt at hækka avgjøld, hóast skattastigin verður javnaður

Landsstýrið sigur sjálvt, at tað kostar landskassanum einki at lata skattastigan fylgja lønargongdini.

Tí heldur Føroya arbeiðsgevarafelag tað vera óneyðugt at hækka avgjøldini tvey prosent um árið.

Landsstýrið ætlar at hækka avgjøld tvey prosent um árið, heldur enn at javna avgjøld við gongdina í prístalinum.

Tvey prosent eru inflatiónsmálið hjá evropeiska miðbankanum. 

Nóg dýrt sum er

Fyrimunirnir eru, sigur landsstýrið, at javningin svarar til prísgongdina, uttan at fylgja við inflatiónssveiggjum frá ári til árs. 

Arbeiðsgevarafelagið sigur, at ikki er neyðugt at hækka nøkur gjøld yvirhøvur, hóast skattastigin verður javnaður.

Og tað er nóg dýrt sum er í Føroyum, sigur felagið.

Samgongan eigur heldur at lækka gjøldini, siga arbeiðsgevarar.