Arbeiðarafeløg kunnu eisini lýsa verkfall fyri starvsett hjá tí almenna

Arbeiðarafeløgini hava fingið viðhald í Fasta Gerðarætti.

Tað snýr seg um verkfallið í fjør, tá arbeiðarafeløgini lýstu verkfall fyri øll alment sett, hóast arbeiðarafeløgini ikki hava sáttmála við tað almenna ella Kommunala arbeiðsgevarafelagið. 

Av hesi orsøk helt Kommunala arbeiðsgevarafelagið ikki, at  heimild var fyri, at starvsfólk hjá kommununum eisini fóru í verkfall.

Lønardeildin valdi ikki fara í Gerðarættin, av politiskum orsøkum.

Kommunala arbeiðsgevarafelagið sendi kæru til Fasta Gerðarætt, men tók málið aftur.

Avgerð var í staðin tikin um at viðgera málið í friðartíð, og hetta er nú gjørt. 

Og arbeiðarafeløgini fingu viðhald - tey kunnu lýsa verkfall fyri tey alment settu eisini.