Heilsuskúlin skal geva atgongd til Setrið

Útbúgvingar frá Heilsuskúlanum skulu geva atgongd til Fróðskaparsetrið.

Endamálið er at gera tað møguligt at søkja inn á ávísar útbúgvingar á Fróðskaparsetrinum við ávísum útbúgvingum frá Heilsuskúla Føroya.

Útbúgving sum námsfrøðihjálpari kann geva atgongd til bachelor í námsfrøði, og heilsurøktari kann geva atgongd til bachelor í sjúkrarøktarfrøði. 

Upptøkan er tó treytað av, at umsøkjarar til námsfrøðiútbúgvingina standa eina upptøkuroynd.

Og umsøkjarar til sjúkrarøktarfrøðiútbúgvingina skulu hava eitt miðaltal, sum er seks.

Aðrar útbúgvingar, sum eru hægri enn gymnasial miðnámsútbúgving, skulu eisini geva atgongd til Fróðskaparsetrið.

Lagt verður upp fyri tí í uppskoti um nýggja upptøkukunngerð, sum er sent til hoyringar.