Veðurfastir í Miðvágsurð

Nakrir fjallmenn eru veðurfastir í Miðvágsurð millum Slættanes og Víkar.

Teir vóru eftir seyði í gjárkvøldið.

Men tá teir skuldu fara haðani, var veðrið versnað so nógv, at teir sluppu ikki í bátin.

Seyðurin slapp tó í bátin, og ein maður, sum var í bátinum, fór við honum.

Veðrið var so ófantaligt, at tyrlan ikki fekk tikið menninar.

Men teir fingu mat og klæði og sendara frá Rescue Sverra í gjárkvøldið.

Telefonsambandið er vánaligt har á staðnum, sigur politiið.

Tá lýsnar, verður avgjørt, um tyrla ella bátur verða send eftir teimum fimm monnunum, sigur politiið.

Har er so bratt, at ikki er gangandi upp á slætt.