Lítil ferjulega til Teistan á Syðradali

Tað gekk ikki heilt eftir ætlan, tá Teistin sunnudagin royndi at leggja at við nýggju rampuna á Syðradali. Ferjan er í løtuni í royndarsigling, áðrenn hon skal taka yvir eftir Sam á Kalsoyarleiðini.

Bjørn Kalsø, bóndi á Syðradali, sá sjálvur, hvussu tað gekk fyri seg, tá Teistin royndi at leggja at. Hann sigur, at fleiri tillagingar framvegis eru neyðugar, hóast arbeiðið við rampuni varð liðugt í august.

Stjórin á Strandferðsluni, Niels Juel Arge, sigur, at ongar ítøkiligar ætlanir í løtuni eru um at gera eina størri ferjulegu til Teistan. Royndartíðin skal vísa, um tørvur verður á fleiri ábøtum.

Arbeiðið á Syðradali verður framt av Landsverki, og arbeiðið at gera tillagingar er longu byrjað.