10 ferðir hava føroyingar vunnið virðislønir Norðurlandaráðsins

Søguligi dagurin í gjár, tá bæði Sakaris Stórá, filmsleikstjóri, og Vónbjørt Vang, rithøvundur, vunnu virðislønir hjá Norðurlandaráðnum, er ein so mikið rár hending, at tað er ivasamt, um vit uppliva tað aftur í bræði.

Síðani Norðurlandaráðið í 1962 lat ta fyrstu virðislønina, sum var bókmentavirðislønin, hava bara 10 føroyingar vunnið eina virðisløn - og tá eru Vónbjørt Vang og Sakaris Stórá tald við. 

Tríggjar ferðir hava føroyingar vunnið bókmentanavirðislønina, tríggjar ferðir hava føroyingar ella føroysk feløg vunnið umhvørvisvirðislønina, tvær ferðir hava føroyingar vunnið tónleikavirðislønina, og eina ferð hevur ein føroyingur vunnið filmsvirðislønina og barna- og ungdómsbókmentavirðislønina. 

Fimm virðislønir

Norðurlandaráðið letur á hvørjum ári fimm virðislønir, har bókmentavirðislønin frá 1962 er tann elsta. Tónleikavirðislønin kom í 1965, umhvørvisvirðislønin í 1995, filmsvirðislønin í 2002 og barna- og ungdómsbókmentavirðislønin í 2015. 

Endamálið við virðislønunum er at varpa ljós á norðurlendskar bókmentir, tónleik, film og umhvørvisátøk. 

Fimm dómsnevndir við fakfólkum verða settar til at bæði at tilnevna og velja vinnarar. 

Umframt heiðurin at vinna, so fáa vinnararnir eisini 300.000 krónur hvør, tá virðislønirnar verða handaðar. 

Virðislønir Norðurlandaráðsins - føroyskir vinnarar:

Bókmentavirðislønin (síðani 1962)

1965: William Heinesen 

1986: Rói Patursson

2025: Vónbjørt Vang

Eivør, Tónleikavirðisløn Norðurlandaráðsins

Tónleikavirðislønin (síðani 1965)

2002: Sunleif Rasmussen

2021: Eivør Pálsdóttir

Umhvørvisvirðislønin (síðani 1995)

2006: Bogi Hansen

2015: SEV

2020: Jens-Kjeld Jensen

Filmsvirðislønin (síðani 2002)

2025: Sakaris Stórá

Barna- og ungdómsbókmentir (síðani 2013)

2018: Bárður Oskarsson