MFS: Glað fyri ætlan at hækka lestrarstuðulin, men...

Umleið 1000 lesandi kunnu vænta 1000 krónur fleiri á kontuni um mánaðin í næstum. 

Uppskotið at hækka lestrarstuðulin við 1000 krónum - úr 5139 til 6138 krónur - liggur nú í Mentanarnevndini í løgtinginum til viðgerðar.

Í viðmerkingunum til uppskotið stendur, at ynskið hjá samgonguni er at fáa enn fleiri at taka hægri lesnað í Føroyum.

Allur bati bøtir, men...

Felagið hjá teimum lesandi, Meginfelag Føroyskra Studenta (MFS), tekur tekur væl ímóti gávuni.

Men har er eitt men, hóast allur bati bøtir. 

Uppskotið at hækka lestrarstuðulin við 1000 krónum er bert eitt stig á leiðini at fáa fleiri føroyingar at fara undir hægri lesnað í Føroyum, sigur Andrias Nolsøe Jacobsen, forseti í MFS.