Fosturtøkumálið: Rættarnevndin fer at biðja um longda freist

Rættarnevndin fer at biðja um longda freist at koma við áliti um uppskotið at broyta fosturtøkulógina.

Tað váttar Hervør Pálsdóttir, forkvinna í rættarnevndini:

Uppskotið hevur ligið í rættarnevndini síðani 30. september, tá tað var til 1. viðgerð í løgtinginum. 

Tað eru tingfólkini Hervør Pálsdóttir í Tjóveldi, Ingilín D. Strøm í Javnaðarflokkinum, Karlot Hergeirson í Framsókn og Eyðdis Hartmann Niclasen í Sambandsflokkinum, sum hesaferð hava lagt fram uppskotið í hesi tingsetuni, eftir at tað fall, tá Bjarni Kárason Petersen, landsstýrimaður í lógarmálum mai mánaði í fjør legði tað fram.