Nýskipanarnevndin: Fimm aðalráð aftrat løgmanni

Tey níggju aðalráðini hava umleið 140 ársverk, og tey kosta umleið 145 milliónir kr. umframt landsstýrisfólk um árið

Tað upplýsir nýskipanarnevndin, sum hevur kunngjørt fyrstu tilmælini.

Nevndin heldur tað ikki vera skynsamt at hava so nógv aðalráð.

Tað hevði skapt meiri støðufesti, um talið av aðalráðum bleiv læst fæst til seks aðalráð við politiskari semju, soleiðis at samráðst verður um somu landsstýrispostar eftir hvørt val.

Talið á landsstýrisfólkum eigur at vera í mesta lagi fimm, umframt løgmann, heldur nýskipanarnevndin.

Hon mælir til, at stýrisskipanarlógin verður broytt, soleiðis at teksturin, sum nú sigur í §27, at í landsstýrinum sita Løgmaður og minst tveir landsstýrismenn aftrat sær, fær eitt uppískoyti, sum sigur, at mesta talið av landsstýrisfólkum aftrat løgmanni er fimm landstýrisfólk. 

Mælt verður til, at tey seks aðalráðini hava hesi málsbýti: 

Málsøkjabýti

Ben Arabo, formaður í nýskipanarnevndini, verður gestur í útvarpsstovuni í tíðindunum klokkan 12.20.

Les alt tilmælið frá nýskipanarnevndini her.

Fyrrapartin hevur nýskipanarnevndin kunnað forfólkini í politisku flokkunum um tilmælini, og klokkan 14 seinnapartin fer løgmaður at hava tíðindafund um málið.

Myndir: Mathias Dimon Næs og Heini Johannesen:

Nýskipanir

Beinir Johannesen

Ruth Vang

Nýskipan, nýskipanarnevndin