Fyrireika nú snarkanning fyri tarmkrabba

Fyrireikingarnar til at bjóða tarmscreening í Føroyum eru farnar í gongd.

Málið er at byrja varisliga næsta ár ella í seinasta lagi í 2027.

Í desember í fjør gav Sjúkrahúsverkið Heilsumálaráðnum eitt tilmæli um screening, snarkanning, fyri tarmkrabba.  

Tað sigur Súsanna Bertholdsen, landsstýriskvinna, í svari til Johan Dahl, løgtingsmann.

Hon sigur eisini, at eingin ítøkilig ætlan er um snarkanning fyri prostatakrabba. Í krabbameinsætlanini er einki tilmæli um hetta.

Og landsstýriskvinnan hevur heldur ikki fingið nakað tilmæli frá Krabbameinsráðnum.

Í Danmark hevur verið screenað fyri tarmkrabba síðani 2014.

Frá 2014 til 2023 eru millum tveir og 13 menn deyðir um árið av ella við tjúkktarms- ella baktarmskrabba.

Og millum fimm og 19 eru deyðir um árið av ella við prostatakrabba, vísa tøl hjá landslæknanum.

Les alt svarið her.