Søkja eftir fimm kommunulæknum

Heilsutrygd søkir eftir fimm kommunulæknum.

Talan er um tvey størv á læknamiðstøðini við Sandin í Klaksvík, tvey størv á læknamiðstøðini á Tvøroyri og eitt starv í Fuglafirði og Gøtu.

Í Suðuroynni er serlig skipan, har læknar í føstum starvi fáa hálvt grundgjald oman á lønina.

Umsóknarfreistin er sunnudagin 4. januar.

Møguleiki er at søkja størvini saman við øðrum kommunulækna og harvið skipa arbeiðið soleiðis, at talan kann vera um niðursetta tíð eftir nærri avtalu.