Jana: Vit áttu at vunnið

Jana Mittún gav Føroyum enn eitt stórt hondbóltsúrslit, tá hon javnaði til 31-31 við brotskast í evstu løtu, men bakspælarin hevði blandaðar kenslur eftir dystin.

 - Eg eri sjálvandi glað fyri javnleikin, men eg haldi, at vit skuldu vunnið, segði hon.

Jana Mittún spældi sjálv ein branddyst við 10 málum upp á 11 royndir og átti eisini trý upplegg og okkurt vunnið brotskast, men javnleikurin kostaði Føroyum kjansin at spæla seg í fjórðingsfinalurnar.

 - Vit manglaðu kanska akkurát tað síðsta, men tað kundi koppað báðar vegir, segði fótfimi Viborg-spælarin.

Leygarkvøldið spæla Føroyar síðsta HM-dystin á hesum sinni, tá Ísland stendur fyri skotum. 

 - Vit hava í øllum førum ein dyst eftir - ímóti Íslandi - og hann skulu vit eisini inn at spæla væl, segði Jana Mittún.