- Tíðindi, mentan og ítróttur
Breddin: Gera vit nóg mikið fyri at fyribyrgja arbeiðsvanlukkum?
Breddin: Gera vit nóg mikið fyri at fyribyrgja arbeiðsvanlukkum?
Hvat er revsingin fyri at trygdin á arbeiðsplássum ikki er nøktandi? Gera vit nóg nógv fyri at fyribyrgja? Hvat kundi vit gjørt betri? Tað spyrja vit í Breddanum í dag
Tilvildarlig mynd
Mynd: Bjarni Árting Rubeksen
09.12.2025 - 09:09
Í miðal doyr eitt fólk um árið í Føroyum vegna arbeiðsvanlukku.
Tað talið er nógv hægri enn í okkara grannalondum - tað er hægsta tal í Norðurlondum, og millum tey ovastu í Evropa.
Talið av ikki-deyðiligum arbeiðsóhappum er eisini stórt - bara síðani mars í ár, hava Arbeiðseftirlitið og Vanlukkutryggingarráðið fingið 300 fráboðanir um arbeiðsóhapp - Tað er meira enn eitt um dagin.
Men hví hava vit so nógvar vanlukkur í Føroyum? Hava vit eitt nóg gott Arbeiðseftirlit? Er revsingin til teirra, sum hava ábyrgdina av vandafullum arbeiðsumhvørvi, nóg hørð?
Og liggur nakað í kortunum, sum kann fáa okkara høgu tøl niður?
300 fráboðanir síðani mars
Síðani Jóanna Djurhuus tók við sum forkvinna í Vanlukkutryggingarráðnum, hevur ráðið og Arbeiðseftirlitið fingið 300 fráboðanir um arbeiðsskaða. Jóanna Djurhuus heldur, at hetta talið er ov. Tað sama sigur Evelyn Gaard, trygdarleiðari hjá Articon.
Arbeiðsplássmetingar og trygdarumboð
Vit hoyra millum annað Jacob Eli Olsen, formann í Lærarafelagnum. Hann heldur, at arbeiðsplássmetingar skuldu verið lógarkrav og at sambandi og samstarvið millum trygdarumboð og Arbeiðseftirlitið skuldi verið betri.
Arbeiðseftirlitið
Leivur Persson er stjóri á Arbeiðs- og brunaeftirlitinum. Tey umsita arbeiðsumhvørvislógina og skulu hava eftirlit við arbeiðsplássum.
Leivur Persson
Eisini tosa vit við Margit Stórá, landsstýriskvinnu í arbeiðsmarknaðarmálum.
Hoyr meira í Breddanum kl 10.
Er kopiera
Nýggjastu sendingar í ÚV
Nýggjastu sendingar í SV
