- Tíðindi, mentan og ítróttur
Skulu fundast um Wikileaks-stovnaran
<div>USA hevur mótmælt fundinum. Equador hevur givið Assange polittiskt friðskjól, eftir at hann flýddi inn á sendistovuna í London.</div><div>Bretsku myndugleikarnir hava boðað frá, at Assenge ikki sleppur úr Bretlandi, eftir at hægsti rættur í Bretlandi hevur gjørt av, at Assange skal sendast til Svøríkis, har hann er skuldsettur fyri kynsligan ágang ímóti tveimum kvinnum.</div><div><br></div><div>Tað er Equador sum hevur kallað saman til fundin í OAS. 23 lond taka undir við avgerðini, meðan USA, Kanada og Trinidad og Tobago atkvøddu ímóti.</div><div>Fundurin verður á skrivstovuni hjá OAS í Washington tann 24. august, hóast USA ikki fer við á fundin.</div><div>Equador roynir at finna sær polittiskan stuðul til avgerðina um at geva Assange polittiskt friðskjól. Avgerðin hevur elvt til diplomatiskt stríð ímillum Equador og Bretland og Svøríki.</div><div><br></div><div>OAS samtykti í 1954m, at fólk sum verða forfylgd av polittiskum ávum, kunnu fáa friðskjól í londunum. USA tvíheldur um, at OAS skal halda fingrarnar burtur frá málinum um Assange.</div><div>Málið er ímillum Equador og Bretland, og hevur einki við OAS at gera, sigur amerikanska uttanríkisráðið.</div><div>Equador hevur eisini kallað suðuramerikansku londini saman til fundar um sama mál. Tann fundurin verður í dag.</div>
