Hummarabátar kunnu halda fram at fiska

Hummarabátar, sum royna sunnan fyri Streymin, á Kollafirði, Tangafirði, Skálafirði og Kaldbaksfirði, kunnu halda fram at fiska, hóast teir hava fiskað upp til kvotuhámarkið.

Tað boðar Tilfeingis- og vinnumálaráðið frá.

Hummarabátar hava felagskvotu við hámarki fyri hvønn bátin.

Tølini vísa, at higartil eru fiskað góð 37 tons av felagskvotuni, sum er 54 tons. 

Og nú fiskiárið fer at halla, verður ikki mett, at øll felagskvotan verður fiskað.

Tí hevur Eirikur í Jákupsstovu, landsstýrismaður, gjørt av at taka hámarkið av, og bátar kunnu tí halda fram við fiskiskapinum, tað sum er eftir av árinum. 

Broytingin kom í gildi í ár.