Vildi ynskt at Sambandsflokkurin átti størri part av framgongdini

- Eg vildi ynskt, at vit áttu nógv størri part av framgongdini hjá andstøðuni.

Tað sigur Bárður á Steig Nielsen, formaður í Sambandsflokkinum.

Nýggjasta veljarakanningin vísir, at Sambandsflokkurin hevð fingið 20,9 prosent av atkvøðunum, um løgtingsval var nú. Tað er eitt lítið prosentstig meira enn á valinum í 2022.

Sambandsflokkurin hevði sambært kanningini varðveitt sínar sjey tingsessir, meðan Fólkaflokkurin hevði tvífaldað sítt tingmannatal, úr seks upp í 12. 

Kanningin vísir, at andstøðuflokkarnir høvdu fingið meira enn 62 prosent av atkvøðunum, um val var nú, ella tilsamans 21 tingsessir. 

Veljarakanningin var gjørd 19. desember. 499 fólk hava svarað, og óvissan í kanningini er 3,5 prosent. 

Hoyr samrøðu við Bárð á Steig Nielsen: