Stórur partapeningur

Nýggja partafelagið Smyril Line Holding hevur nærum 100 milliónir krónur í partapeningi.

Partapeningurin er 99 milliónir og 690.975 kr.

Inngjaldingarhátturin er í øðrum virðum, sum sagt verður í fráboðanini til Skrásetingina.

Kursurin er 597,1.

Seks størstu eigararnir í Smyril Line, millum annað landsstýrið, hava stovnað Smyril Line Holding, sum eigur 89 prosent í Smyril Line.

Smyril Line Holding hevur eittans endamál, og tað er at eiga partabrøv í Smyril Line.

Nevndin og stjórnin í Smyril Line Holding eru tær somu sum í partafelagnum Smyril Line.