Handverkarar vilja hava størri part av lívrentuni aftur

Handverkarafeløgini halda lógarkrøvini um lívrentu vera órímiliga og heita á politisku skipanina um at broyta lógina, soleiðis at handverkarar fáa størri part aftur av tí, sum teir sjálvir hava goldið inn. 

Í Føroyum eru pensjónsviðurskifti skipað við lóg, og sambært henni skulu minst 12 prosent av útgoldnum lønum fara til egna pensjónsuppsparing.

So er tað útgjaldið. Trý sløg av útgjøldum eru nevnd í lógini: lívrenta, lutaeftirløn og kapitalútgjald. Mest viðkomandi í hesum samanhangi er tað fyrsta.

Suni Simonsen

Suni Simonsen er formaður í Føroya Handverkarafelag.

Lívrenta er eitt fast gjald, sum ein pensjonistur fær restina av lívinum. Men hon dettur burtur, tá pensjonisturin doyr, og hon kann ikki arvast.

Í almennum skrivi vísa handverkarafeløgini til donsk tøl, sum vísa, at akademikarar liva 6-7 ár longur enn ófaklærd og handverkarar. Og tey siga, at einki er, sum bendir á, at munurin er minni í Føroyum.

Suni Simonsen, formaður í Føroya Handverkarafelag, skjýtur upp, at størri partur verður goldin út beinanvegin, og at lívrentan verður samsvarandi minni.

Hoyr innslag í útvarpstíðindunum: