Í gerðarrættin við Fíggjarmálaráðnum

Úrskurðarfundur var í gjár í Fasta gerðarrætti í einum máli millum Felagið føroyskir sjúkrarøktarfrøðingar og Fíggjarmálaráðið.

Felagið vil hava ráðið at viðurkenna, at depilsleiðari á Landssjúkrahúsinum skal lønast eftir sáttmálanum millum Akademikarafelagið og Fíggjarmálaráðið.

Felagið sigur, at tað sigur sáttmálin millum Felagið føroyskir sjúkrarøktarfrøðingar og Fíggjarmálaráðið.

Í sáttmálanum stendur, at sjúkrarøktarfrøðingar, sum eru settir í starv við master, phd 
ella professara sum førleikakrav, fáa lønar- og setanarviðurskifti samsvarandi sáttmálanum hjá Akademikarafelagnum.

Úrskurðurin er ikki komin enn.

Málið er ikki nýtt. 

Tað byrjaði í Fasta gerðarrætti 27. september 2024.