Bústaðarprísirnir eru hækkaðir átta ár á rað

Húsaprísirnir hækkaðu nógv í fjør - heili 13 prosent - og tað er munandi meira enn undanfarin ár.

Tað sigur Skyn um gongdina á bústaðarmarknaðinum í 2025.

Hetta er áttanda árið á rað, at bústaðarprísirnir hækka. 

Prísvøksturin sæst kring alt landið, men tað er serliga í Havn, at prísvøksturin er stórur. Í høvuðsstaðnum er miðalprísurin fyri sethús nú 4,4 milliónir krónur, sambært Skyn.

- Vit vænta, at prísurin heldur fram at hækka í ár, men tó meira hóvliga,  tí framvegis er stórur tørvur á fleiri bústøðum - bæði at eiga og at leiga, sigur Petur Mohr Niclasen, stjóri í Skyni.

Húsaprísir - Skyn

Talva: Skyn