Tú skalt virða okkara lóggávu og umhvørviskrøv

Tíðindafundur var í Nuuk í dag, og fjølmiðlar úr øllum heiminum vóru umboðaðir.

- Eg veit ikki hvat stendur í avtaluni, men ein arbeiðsbólkur, sum verður settur, fer at viðgerða tað. Vit vita, at vit hava stórar møguleikar, men vit mugu tosað virðiligt um styrkt samstarv, - eisini viðvíkjandi ráevnunum. Og fert tú undir ráevnisvinnu í Grønlandi, skalt tú virða okkara lóggávu og greiðu krøv um umhvørvisverju. Vilt tú bara hava okkurt og tosar gjøgnum diplomatiskar keldur, so verður tað eitt alspent samstarv, svaraði Jens-Frederik Nielsen, stjórnarleiðari.

Al Jazeera spurdi um, hvussu hevur tað ávirkað viðurskiftini millum USA og Grønland, - vilja tit hava amerikanarar til landið.

- Grønlendska stjórnin vil álítandi samstarv. Vit eru álítandi at samstarva við. Danmark og USA hava staðið saman í trupulum tíðum, og hetta skulu vit hava aftur. Hetta snýr seg ikki bara um okkum, men um nakað nógv størri, - tað er um heimsskipanina, - princippini, sum eru lunnar undir heimsskipanini og samgonguni hjá Vesturheiminum, sum hevur gjørt heimin tryggan. Og tað er einki at spæla við. Og hesum arbeiða vit fyri gjøgnum demokrati, diplomati og røttu kanalirnar, segði grønlendski stjórnarleiðarin.