- Tíðindi, mentan og ítróttur
Maria nýtt føroyskt met á 400 metrum
Maria nýtt føroyskt met á 400 metrum
Maria Biskipstø setti nýtt innanduramet á 400 metrum, tá hon rann til Pallas Spelen í Malmø um vikuskiftið
Maria Biskopstø á Oyggjaleikum í Orknoyggjum síðsta summar
Mynd: Dánial Olsen
25.01.2026 - 20:21
Maria Biskopstø rann seg til nýtt føroyskt innanduramet á 400 metrum, tá hon kappaðist til Pallas Spelen í Malmø um vikuskiftið.
Klaksvíkingurin kom á mál við tíðini 56,97 sekund og gjørdist sostatt fyrsta føroyska kvinnan undir 57 sekund á júst hesum teininum. Samstundis rakk úrslitið til 2. pláss í B-finaluni.
Maria Biskopstø átti sjálv gamla metið, sum var 58,01 sekund. Tað eydnaðist henni eisini at vinna A-finaluna á 800 metrum við persónligum meti.
Oddvør Josephsen, Andreas B. Antoft og Dánjal Dahl Ljósheim kappaðust eisini í Pallas Spelen.
Oddvør tók tvey føroysk met
Miðskeiðis í januar tók Oddvør Josephsen tvey føroysk met í innandura renning í kappingini Randers Indoor 2026.
Á 60 metrum bøtti hon um sítt egna met frá 7,86 sekundum til 7,83 sekund.
Tað sama gjørdi hon í 200 metur renning. Har setti hon nýtt met við tíðini 25,92 sekund, sum gjørdi hana til fyrstu føroysku kvinnuna undir 26 sekund innandura. Gamla metið var 26,10 sekund frá 2024.
Oddvør Josephsen á Oyggjaleikum í Orknoyggjum síðsta summar. (Mynd: Dánial Olsen)
Er kopiera
Nýggjastu sendingar í ÚV
Nýggjastu sendingar í SV
