Gimmi Olsen virkandi sóknarprestur í Havn og Nólsoy

Gimmi Olsen verður virkandi sóknarprestur í Suðurstreymoyar eystara prestagjaldi næsta hálva árið, til 31. juli.

Tað boðar Fólkakirkjan frá. 

Talan er um hálvtíðarstarv, har Gimmi Olsen skal røkja sóknarprestatænastuna hjá nýggja dómpróstinum, Mariu J. Niclasen, í Havnar kirkju og Nólsoyar kirkju. 

Fólkakirkjan upplýsir, at Gimmi Olsen eisini skal røkja Sandoyar prestagjald saman við Havsteini Klein, sóknarpresti. Talan er um eina royndarverkætlan, hálva tíð.

48 ára gamli Gimmi Olsen var prestvígdur í Glyvra kirkju í oktober í fjør. Fyrstu tríggjar mánaðirnar virkaði hann sum prestur fyri Meinhard Bjartalíð, sum var í farloyvi.