Ungdómsting skal viðgera aldursmark at brúka snildfon og sosialar miðlar

Ungdómstingið 2026 er í hesi vikuni, í morgin og mikudagin.

Níggju uppskot eru vald burtur úr teimum 28, sum komu.

Uppskotini eru millum annað um bíligari menstruatiónsvørur, koyrikort til 17 ára gomul, aldursmark fyri at brúka snildfonir og sosialar miðlar, pensjónsaldur, og um at lækka valaldurin til kommunuval niður í 16 ár.

Og Suðuroyartunnilin er eisini við her. Uppskot er um at raðfesta hann hægri fíggjarliga.

Tríggjar nevndir

Tríggjar nevndir skulu viðgera uppskotini eftir fyrstu viðgerð. 

Tær eru rættarnevndin, trivnaðarnevndin og mentanarnevndina

Seinnapartin mikudagin sleppa ungu tingfólkini at spyrja løgmann og landsstýrisfólkini.

32 næmingar

32 næmingar eru í ungdómstinginum, og so kemur løgtingsforkvinnan aftrat.

Sjey skúlar eru við. 

Teir eru Sandoyar meginskúli, Runavíkar kommunuskúli, skúlin á Skúlatrøð, Tvøroyrar skúli, skúlin á Fløtum, skúlin við Løgmannabreyt og Sørvágs skúli.

Ungdómsting er annað hvørt ár. Fyrstu ferð var í 2006.