24 milliónir til Listasavnið og 115 milliónir til sambýli

Løgtingið fer í dag endaliga at játta 24,3 mió. kr. til Listasavnið og 115 milliónir til sambýli til vaksin við autismu við Rygsá á Argjum.

Triðja viðgerð um tey bæði uppskotini verður á tingfundinum í dag, sum byrjar klokkan 11.

Tey blivu bæði samtykt eftir aðru viðgerð fyri viku síðani.

Øll, sum vóru í tingsalinum tá, atkvøddu fyri.

Annars eru seks fyrstu viðgerðir í dag.

Tingfundurin byrjar við minningarorðum um Jógvan Durhuus, fyrrverandi løgtings- og landsstýrismann.