Politiskur eygleiðari: Tingfólk vóru rikin í rætt

"Um eg kann vera eitt sindur bakklókur, og tað kann eg loyva meg viðhvørt, so gekk dagurin í dag akkurát sum eg roknaði við."

Tað sigur Árni Gregersen, politiskur eygleiðari. 

"Tað hevur verið spenningur, men um vikuskiftið eru fólk rikin í rætt av flokkunum. Tað merkti tú beinavegin í morgun, tí tað var ikki tann stóri spenningurin, sum onkuntíð hevur verið, tá mál hava hingið í einum klønum tráð."

Stóri spenningurin var um uppskotið um at hækka pensjónsaldurin, og hóast málið varð samtykt við aðru viðger í dag, so verður triðja viðger mikudagin. 

"Nú var bara ein atkvøða á muni, so tað er altíð vand fyri, at onkur kann leypa yvirum, áðrenn triðja viðger verður. Um tað hendir, fáa vit at síggja, men tann einasti, ið eg síggi, ið kann finna upp á tað, er Ingilín D. Strøm, ið vil hava arbeiðsvikuna stytta, um pensjónsaldurin skal hækka."

Hoyr samrøðuna við Árna Gregersen í tíðindunum.