Pensjónsaldurin og Suðuroyartunnilin skulu avgreiðast í dag

Í dag verður endaliga atkvøðugreiðslan um pensjónsaldurin og Suðuroyartunnilin í løgtinginum.

Í dag verður málið um Suðuroyartunnilin avgreitt fyrst, og síðani kemur pensjónsaldurin.

Tá onnur viðgerð var mánadagin, var raðfylgjan tann øvuta. 

Eftir aðru viðgerð fekk uppskotið um pensjónsaldurin 16 atkvøður fyri, 15 vóru ímóti.

Suðuroyartunnilin fekk 23 atkvøður, ein atkvøða var blonk, og sjey vóru ímóti.    

Tingfundurin í dag er kl. 11.

Í  útvarpinum fylgja vit gongdini í Løgtinginum, og hendir nakað fyri tíðindasendingina á døgurða, hava vit eyka tíðindasending.