33 milliónir til útstykking við Stórutjørn

Tórshavnar býráð hevur samtykt at játta 32,6 mió. krónur til útstykkingina við Stórutjørn.

Býráðið hevur eisini játtað átta mió. krónur til fjarhita við Stórutjørn.

Talan er um eykajáttanir, so tær skulu hava eina viðgerð aftrat í býráðnum.

Býráðið samtykti í oktober í fjør at broyta verkætlanina, so fleiri bústaðir vera við Stórutjørn.

Bjóða út í hesum árinum

Ætlanin er at bjóða útstykkingina út seinast í hesum árinum, sigur kommunan.

Nýggja útstykkingin við Stórutjørn skal hava fjarhita.

Fjarhitafelagið hevur boðað frá, at tað megnar ikki fíggjarliga at leggja fjarhitaleiðingar til Stórutjørn.

Tískil er neyðugt, at kommunan í fyrstu atløgu rindar, sigur kommunan. Fjarhitaverkætlanin er mett at kosta átta mió. kr.