- Tíðindi, mentan og ítróttur
Mál um rúsevni fer í landsrættin
Mál um rúsevni fer í landsrættin
Ákæruvaldið hevur biðið um harðari dóm upp á tvey og eitt hálvt ár
Ákæruvaldið hevur skotið dóm í Føroya rætti um rúsevni inn fyri landsrættin, sum viðger málið í næstu viku.
06.03.2026 - 09:18
Málið um rúsevnið 5F-MDMB-PINACA, stytt 5F-ADB, skal í Landsrættin í næstu viku.
Føroya rættur segði í oktober í fjør fyrsta dómin í danska ríkinum um hetta rúsevnið.
Ein ungur maður fekk tá eitt ár og tíggju mánaða treytaleysa fongsulsrevsing fyri 383 millilitrar av 5F-ADB og 50,8 gramm av kokaini.
Rætturin sigur eisini, at 5F-ADB kann samanberast við sterku rúsevnini kokain og amfetamin.
Ákæruvaldið hevði biðið um harðari dóm upp á tvey og eitt hálvt ár.
Eitt annað mál um 5F-ADB, sum Føroya rættur hevur dømt í, er eisini skotið inn fyri Landsrættin, men tað er ikki á rættarlistanum hesa ferð.
Er kopiera
Nýggjastu sendingar í ÚV
Nýggjastu sendingar í SV
