Miðnám á Kambsdali bjóðar nýggja útbúgving í føroyskum sum annaðmál

Nógv ungfólk av útlendskum uppruna koma úr fólkaskúlanum, uttan grundleggjandi førleikar í føroyskum.

- Avleiðingin av tí er, at tey missa møguleikan at fáa lærupláss ella útbúgving. Og tað vilja vit gera nakað við.

Tað sigur Christian Joensen, rektari á Miðnámi á Kambsdali, sum nú bjóðar nýggja útbúgving í føroyskum sum annaðmál fyri ung.

Christian Joensen, Miðnám á Kambsdali

Mett verður, at hvørt ár koma millum 20 og 30 ung úr fólkaskúlanum, oftast av útlendskum uppruna, uttan grundleggjandi førleikar í føroyskum.

Í fyrstu atløgu er talan um eitt royndarár, men rektarin heldur, at tørvur er á útbúgvingini.

Hoyr innslag í útvarpstíðindunum:

Kristian Joensen, rektari og Christina Jensen, FSA-samskipari á Miðnámi á Kambsdali, vóru gestir í Góðan Morgun Føroyar í morgun.