Livebloggur í sambandi við Trapputingið úr Salti her á heimasíðuni

Kl. 19.20 í kvøld verður fyrsta Trapputingið í sambandi við løgtingsvalið sent beinleiðis í sjónvarpinum úr Salti í Suðuroy.

Trapputingið er valsending, ið er ognað veljarunum, har veljararnir sleppa til orðanna at siga sína meining um, hvørji mál eiga at raðfestast politiskt komandi fýra árini.

Í sambandi við Trapputingini verður eisini ein livebloggur her á heimasíðuni, har valevnir kunnu viðmerkja tað, ið kemur fram á Trapputinginum. 

Í kvøld eru tað Erhard Joensen úr Sambandsflokkin, Jóhan M. Stenberg úr Sjálvstýri og Dennis Holm úr Tjóðveldi, ið fáa høvi at viðmerkja Trapputingið. 

Livebloggur kann síggjast her á heimasíðuni frá klokkan 19. 

LES EISINI: Suðuroyingar á Trapputingi: Fráflyting, tunnil og javnbjóðis kor

Fýra Trapputing

Trapputingini, sum verða fýra í tali, eru ikki almenn. Tey verða send soleiðis: 

13. mars (í kvøld): Suðuroy, kl. 19.20
16. mars, mánakvøldið: Havn, kl 20.00
18. mars, mikukvøldið: Klaksvík, kl. 19.00
22. mars, sunnukvøldið: Oyrasund, kl. 19.00