Bakkafrost letur 205 milliónir í vinningsbýti

Á aðalfundinum hjá Bakkafrosti tann 30. apríl kemur nevndin við uppskoti um, at 205 milliónir krónur skulu latast í vinningsbýti.

Tað eru tríggjar krónur og 45 oyru fyri partabrævið.

59 milliónir og 420.290 partabrøv eru í Bakkafrosti.

Nevndin, sum tilnevnir nevndarlimir, mælir til, at allir nevndarlimir vera afturvaldir.

Og hon mælir til, at norðmaðurin Henrik Heiberg kemur í nevndina. 

Hann hevur millum annað verið fíggjarstjóri hjá Mowi frá 2006 til 2015.

Uppskot er eisini um, at nevndarformaðurin í Bakkafrosti seinastu 16 árini, Rúni M. Hansen, heldur fram sum nevndarformaður.

Uppskot er um, at nevndarlimir fáa 276.300 krónur í ár.

Formaðurin skal fáa 552.600 kr.