Góðtekur yvirtøku og fult ræði

Kappingareftirlitið hevur góðkent, at Varðin yvirtekur Grant og fær fult ræði á felagnum.

Hetta verður gjørt á tann hátt, at partapeningurin í Grant verður niðurskrivaður til null.

Síðani teknar Varðin nýggjan partapening í Grant.

Kappingareftirlitið heldur ikki, at yvirtøkan fer at forða fyri virknari kapping.

Kappingareftirlitið góðkendi í 2018, at Varðin, Framherji og Kimbil yvirtóku Grant, sum tá nevndist H-dygd.