Skúlin á Trøðni: Ein serlig rundferð

- At spæla við góðar vinir, tað er tað besta við Skúlanum á Trøðni. Tað halda næmingarnir Bára Ellevang og Amalia Arge, sum í dag vóru við til at hátíðarhalda, at skúlin fyllir 50 ár. 

Tær báðar eru vinkonur og fegnast um, at tað er bæði hugaligt og stuttligt á skúlanum.

- Eg havi gingið á einum øðrum skúla, men hesin er nógv betri, fortelur 13 ára gamla Bára. 

Ein týdningarmikil skúli 

Skúlin á Trøðni er fyrsti og einasti serskúli í Føroyum, tí er hesin føðingardagurin nakað serligt, sigur Fríðbjørg Hammer, sum er skúlastjóri. 

- Vit plagdu jú at senda tey av landinum, tí er breksøgan ikki eins long sum okkara skúlasøga, vísir hon á. 

Og tá mann byrjaði at hugsa um, at tey sjálvandi skuldu eiga sín leiklut í føroyska samfelagnum - og vit fingu tey heim aftur, so var tørvur á at gera ein skúla, leggur hon aftrat.

Tað bleiv sostatt til Skúlan á Trøðni, sum í dag hevur hátíðarhildið 50 ára føðingardag.

Skúlin hevur týdning fyri, at okkara samfelag kann vera so fjøllbroytt, sum tað er - og eigur at vera, sigur Fríðbjørg Hammer. 

Helena F. Jørmundsson, forkvinna í Javna, var gestur í sjónvarpsstovuni.