Margit Stórá: "Undarligt at skula samstarva við andstøðuna"

Nýggja landsstýriskvinnan í almanna- og bústaðarmálum, Margit Stórá, ásannaði erliga, at hon skuldi venja seg við, at samstarva við tey, ið annars hava verið í andstøðu til hana í nógv ár. 

"Tað hevur verið blokkpolitikkur leingi, har mann hevur verið í parti við teimum somu og ímóti teimum somu í rættiliga nógv ár. Tí er tað undarligt, at tey, ið mann hevur samstarvað við í nógv ár, brádliga eru andstøðan, meðan tey, ið hava verið andstøðan og ofta forbiðið strævin, eru tey, ið mann skal samstarva við," ásannaði Margit Stórá. 

Tað fyrsta, ið Margit Stórá, landsstýriskvinna í almanna- og bústaðarmálum, ætlar sær at arbeiða við, er at fáa leigustuðulin niðan í løgtingið.