Frítekst tagging:
- Tíðindi, mentan og ítróttur
Claus vann á Janu í DM-endaspælinum
Claus vann á Janu í DM-endaspælinum
Claus Mogensen stýrdi Ikast til 40-37 sigur á Janu Mittún og Viborg í fyrsta dystinum í endaspælinum um danska meistaraheitið
Jana Mittún strýkur ígjøgnum verjuna hjá Ikast í fyrsta dystinum í endaspælinum um danska meistaraheitið
Mynd: Bo Amstrup/Ritzau Scanpix
16.04.2026 - 10:24
Jana Mittún og Viborg máttu lúta ímóti Ikast og Claus Mogensen í fyrsta dystinum í endanspælinum um danska meistaraheitið.
Claus Mogensen, sum eisini stendur á odda fyri føroyska landsliðnum, stýrdi Ikast til 40-37 sigur ímóti landsliðsbakkinum og teimum grønu frammanfyri 800 viðhaldsfólkum.
Jana Mittún var besti spælarin hjá Viborg. Hon skeyt átta mál upp á 14 skotroyndir og legði upp til fýra í tepra tapinum.
Ikast er fremst í bólki 2 við trimum stigum, Odense, sum vitjar Mariu Pálsdóttir Nólsoy í Horsens í kvøld, hevði tvey stig við sær í grundspælinum, meðan Viborg og Horsens einki stig hava enn.
Claus Mogensen stýrdi Ikast til 40-37 sigur á Viborg HK og Janu Mittún í fyrsta dystinum í endaspælinum um danska meistaraheitið (Bo Amstrup/RitzauScanpix)
Er kopiera
Nýggjastu sendingar í ÚV
Nýggjastu sendingar í SV
