Bótin til Bakkafrost tódnað munandi

Eitt mál um eina risabót á 67 milliónir og brot á djóravælferðarlógina endaði við, at meginparturin av ákærunum móti Bakkafrosti vórðu sleptar. 

Bótin er nú tódnað niður í eina ókenda, men lítla, upphædd fyri brot á flutningskunngerðina.

Hoyr innslag í útvarpstíðindunum, har vit hyggja aftur á málið um bótina til Bakkafrost:

Sambært ákæruritinum er Bakkafrost nú ákært fyri at hava flutt brúkta aliútgerð millum aliøkir í Suðuroynni 7 ferðir við tveimum ymiskum bátum í tíðarskeiðinum frá 23. apríl til 9. november 2020, uttan at hava fingið loyvi frá landsdjóralæknanum frammanundan.

Eisini er Bakkafrost ákært fyri í tveimum førum ikki at hava skrásett flutning millum tvey aliøki í sonevndu flutningshondbókina í tveimum førum.