12 ferðamannaskip til Vestmanna í summar

Í ár hava 12 ferðafólkaskip boðað frá, at tey koma til Vestmanna í summar.

Í fjør vóru tey átta og tvey í 2024.

Men longu nú hava 15 skip biðið um pláss summarið 2027.

Bókingar eru eisini gjørdar fyri 2028.

Undir Vestmannabjørgini

Flestu ferðafólkini keypa sær ferðir undir Vestmannabjørgini og eru við í skipaðum gonguferðum í bygdini saman við lokalum frásøgufólkum.

Vestmanna havn tekur móti skipum, sum vanliga hava millum 200 og 300 ferðafólk. 

Fyrsta skipið í ár kemur sunnudagin 10. mai, og tað síðsta kemur mikudagin 23. september.