Kalsoyartunnil heldur enn nýggja ferju

Ein undirsjóvartunnil til Kalsoyar er søtur musikkur í oyrunum á barnafamiljunum í Kalsoynni. Tunnilin er eitt framstig og gevur okkum betri stundir til familjulívið, sigur barnafamilja, sum skal seta búgv í oynni.

Í løtuni mugu Dávur Syderbø og Tórunn Susanne Sømark búgva hjá bróður Dáva, tá tey vitja á Húsum í Kalsoynni.

Unga familjan, sum í løtuni býr í Klaksvík, hevur tó sett sær fyri at flyta til Húsar, har tey hava grundstykki. Ein framtíð á Húsum talar til ungu familjuna, hóast fólkatalið í oynni er minkað seinastu árini.

Rætta loysnin er at raðfesta ein tunnil til Kalsoyar og steðga ætlanini um at byggja nýggja ferju, heldur Dávur Syderbø, eins og landsstýrismaðurin í samferðslumálum, Jacob Vestergaard, nú hevur gjørt av.

Sí innslag í Degi og viku.