Góð millión stytti bíðilistar í Sjúkrahúsverkinum 966 pláss

Ein millión og 116.000 kr., sum Sjúkrahúsverkið fekk í fjør, gjørdu, at bíðilistarnar minkaðu 966 pláss.

Størsta játtanin fór til viðtalur í urologi í Landssjúkrahúsinum, har 255.000 kr. minkaðu bíðilistan 157 pláss.

50.000 kr. fóru til telefonviðtalur um urologi á Klaksvíkar sjúkrahúsi. Har minkaði bíðilistin 115 pláss.

Á Eygnadeildini á Landssjúkrahúsinum minkaði bíðilistin 147 pláss.

Bíðilistin til ambulantar viðtalur í kardiologi á Medisinska deplinum í Landssjúkrahúsinum minkaði 122 pláss.