Neyðsendari órógvaði

Ein neyðsendari, sum var mistur fyri borð á einum stuttleikabáti mánakvøldið vestan fyri Hest, órógvaði neyðfrekvensin hjá flogvøllinum.

Leitað var á sjónum eftir neyðsendaranum, sum flýtur, men uttan úrslit.

Neyðsendarin, ein EPIRB, helt á at senda. Hetta órógvaði neyðfrekvensin, serliga hjá Vága floghavn, skrivar Vørn. 

Í gjáramorgunin var so tyrla send at leita. Tá bar til. Hon fann neyðsendaran. Tyrlumanningin tók hann upp og sløkti hann. Og so var friður.

Í gjáramorgunin sleipaði Brimil ein útroðrarbát úr Havn inn á Strendur.