Føroyar fáa harða HM-mótstøðu

Føroyska manslandsliðið í hondbólti fekk eitt hart lutakast til bólkaspælið í HM-endaspælinum, sum verður í Týsklandi í januar.

Mótstøðulondini hjá Føroyum í bólki F, sum verður spældur í Magdeburg, verða Portugal, Pólland og Algeria.

Portugal hevur verið fyri stórari framgongd síðstu árini, og telist nú millum tey allarbestu í heiminum, meðan Pólland helst var besta liðið í styrkisbólki 3, og kunnu vænta sær dyggan stuðul í Magdeburg, sum er nær við pólska markið.

Føroyar taptu ímóti Póllandi í EM 2024, og talan verður ivaleyst um ein harðan dyst, meðan Algeria ikki skal undirmetast heldur, hóast Føroyar verða favorittar ímóti norðurafrikansku tjóðini.

Trý lið komu víðari úr hvørjum bólki, so Føroyar hava góðan møguleika at spæla seg til miðumfarið í Hannover, men tað verður harður dystur um stiðini, sum kunnu fáa stóran týdning.

HM-bólkarnir

München
Bólkur A: Týskland, Serbia, Tunesia, Uruguay
Bólkur C: Kroatia, Spania, Kili, Turkaland

Stuttgart
Bólkur B: Egyptaland, Italia, Kap Verde, Saudiarabia
Bólkur D: Argentina, Frakland, Brasil, Kuveit

Kiel
Bólkur E: Svøríki, Norra, Grikkaland, Katar
Bólkur G: Danmark, Slovenia, USA, Angola

Magdeburg
Bólkur F: Portugal, FØROYAR, Pólland, Algeria
Bólkur H: Ísland, Norðurmakedonia, Bahrein, Japan