Drúgvar samráðingar hjá Lærarafelagnum

Lærarafelagið er eisini í lønarsamráðingum við Fíggjarmálaráðið, og hesar samráðingar hava verið drúgvar. 

Fyrsti fundur var í oktober í fjør, og seinast, partarnir sótu saman, var beint eftir, at samgongan hevði skipað seg eftir løgtingsvalið í mars.

Og nú er eingin fundur avtalaður, sigur Jákup Eli S. Olsen, formaður í Lærarafelagnum.

Spurdur um, um felagið góðtekur felagskarmin, svarar hann:

- Vit hava ikki fyrihildið okkum til felagskarmin, tí okkara samráðingar eru okkara samráðingar. Tað er útgangsstøðið, sigur Jákup Eli S. Olsen í stuttari viðmerking.